Tezliklə Gürcüstanın Tbilisi şəhərində fərqli tipə malik yaşayış kompleksləri tikiləcəkdir.

GREEN BUDAPEST layihəsi başa çatdıqdan sonra MAQRO İnşaat geniş miqyaslı, 115 milyon ABŞ dollarına qədər dəyərdə olan GREEN DIAMOND investisiya layihəsinə başlayır.

Mayın 28-də beynəlxalq şirkət olan MAQRO İnşaat şirkətinin yeni layihəsi GREEN DIAMOND-un təqdimatı keçirildi. Yeni layihənin investisiya dəyəri 115 milyon ABŞ dollarına qədərdir. Tədbir çərçivəsində həmçinin GREEN BUDAPEST yaşayış kompleksi tikintisinin uğurla başa çatması da qeyd olundu.

Möhtəşəm açılış mərasimində Gürcüstanın iqtisadiyyat və davamlı inkişaf nazirinin müavini xanım Ketevan Boçorişvili, Gürcüstan hökumətinin və diplomatik korpusun nümayəndələri, şirkət rəhbərliyi, GREEN DIAMOND-un simaları olan Arçil və Şota Arveladze qardaşları, GREEN BUDAPEST-in sakinləri və yeni layihə ilə maraqlanan potensial müştərilər iştirak ediblər.

İnanırıq ki, MAQRO inşaatın investisiyaları ölkə iqtisadiyyatının güclənməsinə öz dəstək və töhfəsini verəcəkdir, Türkiyə ilə Gürcüstan arasındakı əlaqələri daha da möhkəmləndirəcəkdir. Biz Gürcüstanın paytaxtını unikal və tamamilə fərqli GREEN DIAMOND yaşayış kompleksi ilə zənginləşdirməkdən şərəf hissi duyuruq” – Layihələrin İnkişafı, İctimaiyyətlə Əlaqələr, Satış və Marketinq sahəsi üzrə Baş Direktor Müavini cənab Oğuz Kaan Karaer deyib.

Bu yaxınlarda tikintisi başa çatan GREEN BUDAPEST yaşayış kompleksinin daxilində keçirilən təqdimat mərasimində bildirilib ki, GREEN DIAMOND layihəsinin tikintisinə may ayında Tbilisinin ekoloji cəhətdən təmiz rayonu olan Diqomidə, Olimpiya obyektlərinin yaxınlığında başlanılıb.

Tbilisidə demək olar ki, 70.000 m2 sahədə 23.143 m2 daxili, yaşıllıq ərazisinə malik unikal yaşayış kompleksi tikilir və burada sakinlərə unikal, tamamilə yeni və sərfəli həyat şəraiti təklif edilir. Yaşayış kompleksində 23 yaşayış bloku və 1772 ədəd mənzil vardır. Burada üzgüçülük hovuzları, uşaq meydançaları, açıq və qapalı idman obyektləri, basketbol meydançaları, gəzinti və qaçış yolları, ticarət meydançaları, sosial terraslar, uşaq bağçası və məktəb kimi sakinlərin bütün ehtiyaclarını ödəyə biləcək hər cür şərait yaradılmışdır.

2013-cü ildən bəri MAQRO İnşaat Gürcüstan bazarına 70 milyon ABŞ dollarına qədər investisiya qoyub və əlavə olaraq 150 milyon ABŞ dollarına qədər investisiya qoymağı da planlaşdırır.

Şirkət haqqında məlumat

MAQRO İnşaat 2013-cü ildən bəri Gürcüstan iqtisadiyyatına sərmayə qoyur. Şirkət beynəlxalq şirkətdir və daha çox tikinti sahəsində fəaliyyət göstərir. MAQRO İnşaat Gürcüstan bazarına 70 milyon ABŞ dollarına qədər investisiya yatırıb və əlavə olaraq 150 milyon ABŞ dollarına qədər investisiya qoymağı da planlaşdırır.

MAQRO İnşaat bir sıra layihələri uğurla başa çatdırıb, həmin layihələr aşağıdakılardır: GREEN BUDAPEST yaşayış kompleksi, Fransız Accor Qrupun 4 ulduzlu brend markalı Mercure Tbilisi Old Town oteli, BELLISSA mebel mağazaları şəbəkəsi, Rustaveli prospektində 5 ulduzlu DINEHALL restoranı. Açılış mərasiminin iyun ayında olması planlaşdırılır.

Yaxın vaxtlarda şirkət fransız Accor Qrupa aid Ibis Styles otelinin tikintisinə başlamağı planlaşdırır. MAQRO İnşaat hava limanının yaxınlığındakı yolda 20 000 kv.m. sahəyə də sahibdir ki, burada ev və bəzək əşyalarından ibarət ticarət mərkəzinin tikintisini planlaşdırır.